Алайда дыбыстарды ажыратып, сөйлеуді түсінуі және тілінің дамуы үшін жүйелі оңалту шаралары қажет. Бұл үдерісте сурдологтың, ата-ананың және баланың бірлескен еңбегі шешуші рөл атқарады.

Операциядан кейінгі оңалтудың маңыздылығы мен негізгі кезеңдері туралы клиниканың сурдолог дәрігері баяндады.

Есту қабілетінің бұзылысы әрдайым бірден байқала бермейді. Кейбір жағдайларда ол тез үдеп, ауыр дәрежеге (IV деңгейге дейін) жетуі мүмкін. Сондықтан уақытылы диагностика – есту қабілетін сақтаудың ең тиімді жолы.

Егер балаға кохлеарлық имплантация жасалса, имплант орналасқан аймақты жарақаттан қорғап, дәрігердің барлық ұсынымдарын сақтау қажет.