Көпбейінді қалалық балалар ауруханасы №2-де терроризмге қарсы қауіпсіздік шараларын күшейту тақырыбында оқу сабағы өткізілді.

Сабаққа аурухананың басшы құрамы, бөлім меңгерушілері, аға медбикелер, кезекші хирургтар және қауіпсіздікті қамтамасыз ететін қызметкерлер қатысты.

Оқу барысында терроризм қаупінің алдын алу, төтенше жағдайлар кезінде әрекет ету алгоритмдері және қауіпсіздік талаптарын сақтау мәселелері қарастырылды.

Сабақты Қауіпсіздікті басқару және арнайы бағдарламалар академиясының басшысы, полковник Аитжанов Салимжан Каратаевич және лектор, полковник Мухаметов Альберт Фаатович өткізді.

Сабақтың мақсаты – қызметкерлердің терроризм қаупі туындаған жағдайда дұрыс әрі жедел әрекет ету дағдыларын жетілдіру және қауіпсіздік талаптарын сақтау деңгейін арттыру.