Есту қабілетінің бұзылысы әрдайым бірден байқала бермейді. Кейбір жағдайларда ол тез үдеп, ауыр дәрежеге (IV деңгейге дейін) жетуі мүмкін. Сондықтан уақытылы диагностика – есту қабілетін сақтаудың ең тиімді жолы.

Егер балаға кохлеарлық имплантация жасалса, имплант орналасқан аймақты жарақаттан қорғап, дәрігердің барлық ұсынымдарын сақтау қажет.

Кохлеарлық имплантациядан кейін балалар қалыпты өмір сүре алады: балабақшаға немесе мектепке барады, саяхаттайды, ұшақпен еркін ұша алады және белсенді өмір салтын жалғастырады.

Медициналық көрсетілімдер болған жағдайда кохлеарлық имплантация ТМККК және МӘМС жүйесі аясында тегін жүргізіледі.