Байқайсыздар ма, қазір әншіге қарағанда әннің өзі танымал болатын уақыт секілді.

Сондай туындылардың бірі – «Жалған өмір-ай».

Жүректің терең қылын шертіп, жанды тербейтін ерекше ән. Орындаушысын жас әнші деп ойламаппын. Әнді жүрекпен сезініп, шынайы орындайды екен.

Бүгін Дәрігерлер күні қарсаңында жиі баратын емханамның ақ халатты абзал жандарын арнайы құттықтап қайттым.

Құрметті дәрігерлер, мерекелеріңіз құтты болсын! Жалған өмірде жарқырауға себеп болатын қуанышты сәттеріңіз көп болсын. Кейде «амал бар ма?» деп мұңайған сәттеріңіз болса да, барлық қиындыққа төтеп берер төзім мен күш-қуат тілеймін.

Сіздер – қазіргі заманның нағыз батырларысыздар. Адам жанына араша түсіп, үміт сыйлап жүрген еңбектеріңіз әрдайым бағалансын!