Биіктіктен құлаған кезде балалардағы жарақаттар әртүрлі болуы мүмкін — жеңіл соғылудан бастап ауыр зақымдарға дейін. Сондықтан шұғыл медицинада операцияға дейінгі және операциядан кейінгі нақты алгоритмнің маңызы өте зор.

Бала ауруханаға түскен сәттен бастап дәрігерлер жарақаттың барлық жағдайын ескеріп, толық тексеру жүргізеді: КТ, рентген, УДЗ және басқа да қажетті зерттеулер жасалады. Бұл жарақаттарды дер кезінде анықтап, әрі қарайғы ем тактикасын дұрыс таңдауға мүмкіндік береді.

МӘМС жүйесі балаларға қажетті диагностика мен медициналық көмекті уақытылы және толық көлемде алуға мүмкіндік береді.