Мейіргерлер кеңесінің оқу секторының ай сайынғы жоспарына сәйкес ауруханада мейіргерлерге арналған оқыту сабақтары тұрақты түрде өткізіліп тұрады.

Бұл жолы жақ-бет хирургиясы бөлімі дайындап, «Процедуралық кабинет жұмысы» тақырыбында өткізді.

Оқу барысында келесі практикалық дағдылар көрсетілді:

стерильді және стерильді емес қолғаптарды дұрыс кию және шешу;

антибиотиктерге сезімталдыққа сынама жүргізу;

тері-аллергиялық тест жүргізу.

Бөлімнің жауапты қызметкерлері оқу бейнероликтерін дайындап, тәжірибелік көріністер арқылы көрсетілім жасады.

Осындай сабақтар мейіргерлердің кәсіби деңгейін арттыруға және пациенттерге көрсетілетін медициналық көмектің сапасын жақсартуға бағытталған.