Астана қаласы әкімдігінің «№ 2 көпбейінді қалалық балалар ауруханасы» ШЖҚ МКК 2026 жылғы 22–23 қаңтарда Астана қаласында «Балалардағы созылмалы остеомиелитті емдеу және балалар ортопедиясындағы Илизаров әдісі» тақырыбында екі күндік ғылыми-практикалық мастер-класс өтетінін хабарлайды.

Мастер-класс медицина ғылымдарының кандидаты, травматолог-ортопед дәрігер, Илизаров орталығының іріңді остеология клиникасы ғылыми зертханасының меңгерушісі Судницын Анатолий Сергеевичтің жетекшілігімен өткізіледі.

Мастер-класс бағдарламасына мыналар кіреді:

• балалардағы созылмалы остеомиелитті диагностикалау;

• оперативтік араласуларға дайындық;

• көрсетілімдік операциялар және клиникалық жағдайларды талдау;

• балалар ортопедиясында Илизаров әдісін қолдану;

• Илизаров аппаратын пайдалана отырып операциялар жүргізу;

• операциядан кейінгі емдеу және оңалту мәселелерін талқылау;

• қорытынды отырыс және қатысушыларға сертификаттарды табыстау.

Өтетін орны: Астана қаласы, Р. Қошқарбаев даңғылы, 64.

Қатысушыларды тіркеу ресми сайтта келесі сілтеме арқылы жүзеге асырылады:

Профильдік мамандарды мастер-классқа белсенді қатысуға шақырамыз.