Сенат – университеттің академиялық және ғылыми қызметіндегі негізгі мәселелерді қарастыратын алқалық кеңесші орган. Отырыс барысында Сенаттың төрағасы, хатшысы және өзге де мүшелері сайланып, алдағы жұмыс бағыттары талқыланды.

№2 көпбейінді қалалық балалар ауруханасы университеттің клиникалық базасы болып табылады. Біздің базада университеттің кафедралары орналасқан, резиденттер тәжірибеден өтеді.

Клиника басшысы ретінде мен Сенат отырысына қатысып, дауыс беруге мүмкіндік алдым. Мұндай өзара серіктестік университет пен клиникалық мекемелер арасындағы байланысты нығайтып, медициналық білім беру сапасын арттыруға және кәсіби кадрларды даярлауға ықпал етеді.