Клиникалық-диагностикалық зертханасында психолог Адаева Г. Б. және СӨС дәрігері Абдырова С. А. ұйымдастырған лекция-тренинг өтті.

Кездесу барысында 20-дан астам медицина қызметкері кәсіби күйзелістің алдын алу, этика және деонтология, сондай-ақ тиімді коммуникация мәселелерін талқылады.

Семинардың бірінші бөлімінде психолог Адаева Г. Б. физикалық және психикалық денсаулықты сақтау бойынша тәжірибелік ұсыныстар беріп, жұмыс пен жеке өмір арасындағы тепе-теңдіктің маңыздылығын атап өтті.

Екінші бөлімде сарапшылар медицина саласындағы этикалық нормалар мен деонтология мәселелерін талқылап, ұжымдағы сапалы қарым-қатынастың маңыздылығына тоқталды.

Іс-шара қызу пікірталас тудырып, өзектілігін дәлелдеді. Бұл кездесу дені сау жұмыс ортасын қалыптастыру мен ұжымдық рухты нығайтуға ықпал етті.