Міндетті әлеуметтік медициналық сақтандыру жүйесінің (МӘМС) басталуына санаулы ай қалды. МӘМС-тің негізгі басымдықтары – халықты кеңінен қамту, медициналық көмектің сапасы мен қолжетімділігін арттыру.
Мемлекет еліміздің 11 млн-ға жуық азаматына сақтандыру пакетін алуға кепілдік береді және 2020 жылдың 1 қаңтарынан бастап олар МӘМС пакеті шеңберінде медициналық қызметті тұтынушылар қатарынан болады.
Жеңілдік берілген азаматтар қатарына кімдер жатады? Назарларыңызға жарналарын мемлекет төлеп беретін азаматтардың жеңілдік берілген 15 санатын ұсынамыз:
▶️1) балалар;
▶️2) жұмыс істемейтін жүкті әйелдер;
▶️3) бала (балалар) туу немесе жаңа туған сәбиді (сәбилерді) асырап алуға байланысты, баласы (балалары) үш жасқа толғанға дейін оның (олардың) күтіміне байланысты демалыс алған адамдар;
▶️4) үш жасқа толмаған бала (балалар) тәрбиесімен аналысатын жұмыс істемейтін азаматтар;
▶️5) «Алтын алқа», «Күміс алқа» алқаларымен немесе бұрын «Батыр ана», I және II дәрежелі «Ана даңқы» ордендерімен марапатталған көп балалы аналар;
▶️6) зейнеткерлер, оның ішінде Ұлы Отан соғысының қатысушылары мен мүгедектері;
▶️7) мүгедек бала күтімімен айналысатын жұмыс істемейтін азаматтар;
▶️8) балалық шақтан бірінші топ мүгедегі болып табылатын жарымжан тұлғаның күтіміне байланысты үйде отырған, жұмыссыздар;
▶️9) мүгедектер;
▶️10) жұмыссыз ретінде ресми тіркелген адамдар;
▶️11) жұмыс істемейтін оралмандар;
▶️12) орта, кәсіптік-техникалық, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында іштей оқып жатқан тұлғалар;
▶️13) мемлекеттен атаулы әлеуметтік көмек алатын жұмыссыз азаматтар;
▶️14) сот үкімі бойынша қылмыстық-атқару (пенитенциарлық) мекемелерінде жазасын өтеп жатқандар;
▶️15) тергеу изоляторларында отырғандар.
- Қаралды: 898
2019 жылғы 11-12 қазанда №2 қалалық балалар ауруханасының базасында «Сүндет 2019» акциясы аяқталды. Көп балалы және әлеуметтік мұқтаж отбасылардың 3-7 жас аралығындағы 110 балаға «Nur Otan» партиясының елордалық филиалының берген тізіміне сәйкес қайырымдылық негізде сүндетке отырғызылды.
Іс-шара Қазақстан Республикасындағы Араб Әмірлігінің Елшілігі және «Ummet» қоғамдық қорымен бірлесіп, «Nur Otan» партиясы мен Нұр-Сұлтан қаласы әкімдігінің қоғамдық денсаулық сақтау басқармасының қолдауымен ұйымдастырылды, сондай-ақ мешіт өкілдері де шақыртылды.
Мақсаты – көп балалы отбасылардың балаларына әлеуметтік көмек көрсету. Барлық балалар «Циркумцизия» (сүндетке отырғызу) медициналық қызметін өтеусіз негізде алды.
Акция аясында №2 қалалық балалар ауруханасының 10 балалар хирург дәрігерлері жұмылдырылды.
Балалар рәсімнен кейін назарсыз қалмады. Әр балаға ойыншықтар мен тәттілер берілді. Барлық ата-аналарға операциядан кейінгі балалар күтімі бойынша жадынамалар таратылды.
- Қаралды: 936
№2 қалалық балалар ауруханасы 2019 жылғы 09 қазанда Нұр-Сұлтан қаласы әкімдігінің «Ниет» отбасылық денсаулық орталығымен, сондай-ақ «Дос тәуелсіз өмір» орталығы қоғамдық мүгедектер бірлестігімен бірлесіп Қазақстан Республикасындағы Мүгедектер күніне арналған мерекелік іс-шара ұйымдастырды.
Іс-шараның басты мақсаты – қоғамдық өмірдің барлық салаларына мүгедектер құқықтарын алға жылжыту, сондай-ақ кең жұртшылықтың назарын мүгедектер проблемасына аудару.
Шараны ашқан бас дәрігер Досмаилов Біржан Серікбайұлы Халықаралық мүгедектер күнімен құттықтады және «Дос тәуелсіз өмір» орталығы қоғамдық мүгедектер бірлестігін қоғамдық және әлеуметтік пайдалы іске белсенді қосқан үлесі және қоғам проблемаларына бей-жай қарамағаны үшін алғыс білдірді.
Түрлі санаттағы мүгедектігі бар адамдардың қатысуымен әсерлі концерттік бағдарлама ұйымдастырылды. Сондай-ақ қыш құмыра және мүсіндеу өнері бойынша шеберлік сыныбы өтті. Барлық қатысушылар Дос орталығының шебер мамандары!
Құрметті достар! Қаланың, елдің қоғамдық-саяси өміріне қатысуларыңыз, белсенді өмірлік ұстанымдарыңыз сіздерге деген құрметті арттыра түседі.
Сіздерге мол күш-қуат, шексіз еркіндік пен көтеріңкі көңіл-күй тілейміз, рухтарыңыз биік боп, жақындарыңыздың жылылығы мен махаббатына бөленіп жүре беріңіздер! Бақыт пен сәттілік серіктеріңіз болсын!
- Қаралды: 1592
